Gazetarja Anduena Llabani ka deklaruar në ‘Opinion’ se afera e Inceneratorëve shumë shpejt do të nxjerrë si persona në proces penal mbi 30 zyrtarë në Shqipëri, nga nivelet më të ulëta deri tek nivelet më të larta.
Llabani theksoi se të gjithë ata që kanë dëshmuar në SPAK kanë zbuluar njëri-tjetrin.
‘Pritet që pasi të pëmbyllet i gjithë procesi hetimor nga ana e SPAK të dalin rreth 30 persona në proces penal. Të gjithë në SPAK kanë treguar njëri-tjetrin. Tani mbetet nëse SPAK ka vullnetitn për të zbardhur këtë skemë kriminale’, tha Llabani.
Kujtojmë që nga zyrtarët më të lartë që kanë dëshmuar deri më tani në SPAK janë kryebashkiaku i Fierit, Armando Subashi, ai i elbasanit Gedis Llatja, Arben Ahmetaj në rolin e ish-ministrit të Financave, Shkëlqim Cani në të njëjtin rol, si dhe Alqi bllako në rolin e ish-Sekretarit të Përgjithshëm të Ministrisë së Mjedisit.
