Deputeti Ben Blushi u largua nga “Rilindja” pasi kritikave të forta ndaj kabinetit qeveritar, por edhe pasi nuk u lejua të kandidonte për postin e kryetarit në parti.
Por, nëse hedh një sy nga e kaluara, deputeti Ben Blushi, ka lënë me pasoja ato vende nga ku është larguar.
Kujtojmë largimin e tij nga gazeta Rilindja Demokratike, së bashku me Armando Shkullakun, Pranvera Isakun etj. Sot RD është në rënie të lirë dhe ka mbetur një tirazh ditor simbolik sa për të thënë që ekziston.
Një tjetër largim i Blushit, ishte ai nga Koha Jonë, e cila pasoi hapjen e “Indipendentit”. Gazeta “Koha Jonë’ “vdiq” në ditën që Blushi u largua dhe sot ka mbetur thjesht një emër.
Largimi i fundit i Blushit është nga “Rilindja”. Mbetet për tu parë nëse fati i saj do të jetë i njëjtë me dy gazetat e mësipërme.
Megjithatë, duke parë rastet e mëparshme, “Rilindja” duhet të shqetësohet dhe të marrë masa për të parandaluar shkatërrimin. Ndoshta një nga lëvizjet që duhet bërë është komunikimi me “shtrigat” për të hequr mallkimin e Blushit, por kjo duket të jetë e vështirë.
