Indrit Sefa, i cili garon për Bashkinë e Lushnjes në siglën e PD, ka ripërsëritur ftesën drejtuar Elton Bano, kandidat i koalicionit “Shtëpia e Lirisë” dhe Emirjana Sefa, kandidate e PS, për një debat publik.
“Lushnjarët meritojnë të dinë çfarë do të bëjnë kandidatët në keto zgjedhje për Lushnjën. Për të qenë sa më konkretë, sa më të besueshëm për çdo gjë që marrim pësipër në fushatë, propozova dje zhvillimin e një debati publik.
24 orë më pas, nuk ka asnjë reagim nga asnjëri prej kandidatëve. Fshehja e tyre është shurdhëri ndaj kërkesave të lushnjarëve për një jetë më ë mirë në qytetin e tyre. Është injorim dhe përçmim për të drejtën e qytetarëve për llogaridhënie”, tha Sefa i PD.
Sipas tij, mënyra sesi i trajtojmë votuesit sot tregon si do të punojmë për ta nesër! “Me ose pa debat me rivalët, jam i vendosur ta kthej Bashkinë ë Lushnjës në aleatin më të madh te qytetarëve”, tha Sefa.
