Mesa duket maxhoranca dhe opozita e kanë gjetur konsensusin për miratimin e reformës në drejtësi.
Pas kompromisit për Byronë Kombëtare të Hetimit në varësi të Prokurorisë, duket se palët janë dakordësuar edhe për çështje të tjera teknike dhe tashmë mbetet edhe ana politike.
Deputeti i PD-së, Eduard Halimi tha pas mbylljes së mbledhjes së Komisionit për Reformën në Drejtësi se nëse arrihet marrëveshja reforma do të vijojë me ekspertët, ndërsa do të ketë edhe nesër mbledhje të komisionit.
“Kemi arritur marrëveshje për çështje teknike. Nëse vijohet kështu ka mundësi për dakordësi politike. Nëse arrihet marrëveshja reforma do të vijojë me ekspertët”, deklaroi Halimi.
(Boldnews)
