Lulzim Basha ishte sot në Durrës, në mbështetje të kandidatit për kryebashkiak, Luan Hoti, i cili garon në siglën e PD, në zgjedhjet e 6 marsit.
Basha tha se Luan Hoti është modeli i politikës sonë të re, me fytyrë njerëzore, që dëgjon dhe shërben me qytetari, larg konfliktit dhe gjuhës përçarëse, për të garantuar normalitet dhe zhvillim për Durrësin
“Bashkë me kryetarin e ri të Bashkise së Durrësit, Luan Hoti diskutuam me drejtuesit e bordit të Dhomës së Tregtisë dhe Industrisë së Durrësit për sfidat dhe potencialet e jashtëzakonshme të këtij qyteti të mrekullueshëm. Dialogu me qytetarët dhe faktorët ekonomikë është modeli i politikës sonë me fytyrë njerëzore, që dëgjon dhe shërben me qytetari, larg konfliktit, baltosjes dhe gjuhës përçarëse.
Kandidati i Partia Demokratike e Shqipërisë për Durrësin është shembulli më i mirë i kësaj kulture politike, që përmes vlerave dhe shpirtit sipërmarrës, do shërbejë me integritet për të garantuar normalitetin e munguar dhe një zhvillim gjithëpërfshirës të qytetit”, shkruan Basha në rrjetin social.
