Kryetari i Bashkisë së Fierit, Armando Subashi është thirrur ditën e sotme në ambientet e Prokurorisë së Posaçme.
Raportohet se Subashi është marrë në pyetje për veprimet e tij ne lidhje me inceneratorin e Fierit.
Për inceneratorin e Fier janë depozituar disa kallëzime në Prokurorinë e Posaçme. Për këtë impiant, dhe atë të Tiranës, SPAK ka njoftuar se po kryen hetime. Ndërkohë, për inceneratorin e Elbasanit është arrestuar ish-ministri i Mjedisit, Lefter Koka. Për këtë çështje, SPAK ka shpallur në kërkim edhe administratorët e kompanive fituese të koncesionit, Klodian Zoto dhe Stela Gugallja.
Ndërkohë, këtë të Premte, në komisionin hetimor për inceneratorët dëshmoi përmes një video-lidhjeje Loran Dusha, administratori i Inceneratorit të Fierit.
Në këto momente, në komision është Florian Muçaj nga Komisioni i Prokurimit të Inceneratorit të Fierit, i cili ka deklaruar se ka dëshmuar në SPAK dhe nuk do prononcohet para deputetëve lidhur me çështjen. “Jam thirrur nga SPAK për prezencën në komisionin e incineratorit të Fierit. Nuk mund të flas se çdo gjë mund të them këtu mund të përbëjë një prishje hetimi”, tha ai.
