Ish-Kryeministri Sali Berisha po zhvillon një takim në Bubullimë të Lushnjes, në mbështetje të kandidatit të koalicionit “Shtëpia e Lirisë”, Elton Bano.
Ky i fundit, duke iu drejtuar të pranishmëve, tha se qytetarët po përballen me rritjen e çmimeve, veçanërisht fermerët, pasi çmimet e imputeve bujqësore janë rritur disa herë.
Bano tha se blegtorët po shesin produktet nën kosto, ndërsa Qeveria nuk jep asnjë subvencion prej vitit 2013. “Do të bëjmë gjithçka që ka në dorë bashkia për të ndryshuar gjendjen që përballen fermerët e blegtorët”, tha Bano.
Sipas tij, 6 marsi është një mundësi për të sjellë ndryshimin në Shqipëri.
