Astrit Pukameta, personi që mbrëmjen e djeshme terrorizoi Kavajën, duke plagosur dy persona dhe duke kërcënuar se do digjte dy të tjerë në një pikë karburanti, rezulton që mos të ketë qenë i diagostinuar me asnjë sëmundje të shëndetit mendor.
Por burime policore bëjnë me dije për Faxweb.al se ndaj tij do bëhët edhe një ekspertizë mjeko ligjore, dhe do jetë pikërisht kjo ekspertizë e cila do vendosë nëse 45-vjeçari vuan apo jo nga sëmundje mendore apo depresioni.
Ndërkohë dy të plagosurit Bardhyl Petja, kushëri i ish-gruas së autorit, dhe Arjan Shau, taksiti i marrë peng nën kërcënimin e thikës, ndodhen jashtë rrezikut për jetën. Mësohet se ata kanë marrë plagë të lehta që fatmirësisht nuk u rrezikohet jeta.
Ndërkohë informacioni në polici është marrë pas një telefonate në komisariatin e Kavajës se një person kishte lyer me naftë dy persona të tjerë duke i kërcënuar se do i digjte, shkruan faxweb.al.
Menjëherë blutë e Kavajës u nisën drejt vendit ku ishte autori dhe pasi mësuan se ai ishte larguar me një taksi, u vunë në ndjekje, duke bërë të mundur arrestimin e 45-vjeçarit dhe parandalimin e ngjarjes së rëndë.
