Simone Inzaghit i vjen keq që duhet të analizojë humbjen ndaj Liverpoolit, por ai është i vetëdijshëm se Interi i tij nuk mund të bënte më shumë.
“Shpresojmë të mos takohemi me Liverpoolin në të gjitha ndeshjet. Jam i lumtur dhe krenar për ekipin tim, i cili bëri një lojë të shkëlqyer, më të mirën e sezonit. Në 25 minutat e para të pjesës së parë nuk u shpërblyem me një gol, pastaj në fund, në një çast shpërqëndrimi, pësuam një gol të pabesueshëm”.
Megjithatë, një paraqitje e tillë mund t’i japë Interit besim të madh në mjetet e tyre. “Më vjen keq, sepse do të kishim merituar një rezultat tjetër, por kjo skuadër më bën krenar. Mendoj se Liverpool është një nga dy skuadrat më të mira në Europë, ne i kemi qëndruar përballë dhe do të kishim merituar një tjetër rezultat. Por kjo paraqitje duhet të na japë shumë vetëvlerësim. Ne e dimë se është futboll, ndonjëherë është kaq e vështirë të komentosh një ndeshje si kjo, por di të them se meritonin diçka më tepër”.
“Në pjesën e parë me traversën e Calhanoglu dhe goditjen me kokë të Dumfries ishim të pafat. Jam krenar sepse ishte ndeshja jonë më e mirë e sezonit, duke marrë parasysh edhe kundërshtarin. Tani le të lëmë mënjanë Champions, përpara është kampionati dhe më pas Kupa e Italisë”.
