Ish-Kryeministri Sali Berisha ka vjuar fushatën për zgjedhjet e pjesshme vendore të 6 marsit në Bashkinë e Shkodrës, ku është takuar me banorë të zonës së Ana Malit.
Për Bashkinë e Shkodrës në siglën e koalicionit “Shtëpia e Lirisë” kandidon Bardh Spahia, ndërsa ish-Kryeministi ka kërkuar votat për të, duke shprehur bindjen se 6 marsi do të shënojë fitoren e parë të revolucionit paqësor.
Berisha tha se midis të gjithë njerëzve punëtorë, më punëtorët janë ata që punojnë tokën. “Ne jemi në një fushatë elektorale më shumë kombëtare se sa lokale për nga rëndësia e saj. Ne kemi nisur një përpjekje me dy qëllime kryesore: një të jemi opozita e vërtetë, pasi opozita false jo vetëm nuk vlen, por edhe dëmton. Ne na qëlloi fati që të kemi një qeveri arrogante, të lidhur me krimin dhe drogën, që nuk ka absolutisht interesat tuaja si prioritetare, por ka prioritet pasurimin e ministrave dhe zyrtarëve”, tha Berisha.
Ai shtoi se fermmerët shqiptarë gjatë qeverisjen së Edi Ramës janë më të diskriminuarit, pasi u ka hequr çdo mbështetje.
Berisha tha se Rama hoqi nga llogaria e ndihmës fermerët shqiptarë, pasi e ka mendjen te koncensionet, ku nxirren miliona për të mbushur xhepat.
“Ne duhet të japim një mesazh më 6 mars të shqiptarëve kundër Edi Ramës. Ky është objektivi i parë, ndërsa objektivi i dytë është rrëzimi i narko-shtetit”, tha Berisha.
Ai shtoi protestat që po zhvillohen në Tiranë janë plotësisht të ligjshme, ndërsa Qeveria sillet ndaj tyre si të ishte pushtetuese.
“Qeveria Rama nuk po trajton qytetarët me dinjitet”, tha Berisha. sipas tij, kemi të bëjmë me një shtet arrogant, ku fermerët po shkojnë drejt falimentimit.
“Ju e blini naftën më shtrenjtë se në Zvicër, plehrat kimike po i blini 4 herë më shumë se 8 vite më parë, ndaj ju po shkoni drejt falimentimit”, tha Berisha.
