Një 33-vjeçar është arrestuar nga policia e Gjirokastrës për veprat penale “Kundërshtimi i punonjësit të policisë së rendit publik” dhe “Shkatërrimi i pronës”.
Në pranga u vu O C., 33 vjeç, banues në lagjen Cfakë, Gjirokastër.
“Ky shtetas, gjatë një konflikti me një shtetas tjetër, në lagjen ‘18 Shtatori’, Gjirokastër, ka kundërshtuar punonjësit e Policisë të cilët kanë ndërhyrë për të parandaluar përshkallëzimin e konfliktit. Pasi është shoqëruar në ambientet e Komisariatit të Policisë Gjirokastër, 33-vjeçari ka shkatërruar kamerën e sigurisë në dhomën e shoqërimit”, njoftoi këtë të Martë policia.
