Ariola Kodra, administratore e kompanisë “Integrated Energy”, që sot ka në pronësi inceneratorin e Tiranës është “gozhduar” me pyetje nga deputetët e opozitës.
Deputeti Belind Këlliçi e ka pyetur duke nisur nga takimi i kësaj të fundit me Klodian Zoton, Stela Gugalljan dhe Mirel Mërtirin deri te udhëtimet e punonjësve jashtë vendit.
Diskutimi në mbledhjen e komisionit:
Këlliçi: Me Mertirin dhe Zoton s’keni pasur kontakte te drejtperdrejta?
Kodra: Kontakt aktualisht nuk kam, në këto momente nuk kam.
Këlliçi: Kur jeni takuar me ta?
Kodra: Ju përgjigja kësaj pyetje s’është e nevojshme ti rikthehemi. S’e kam të memorizuar kohën se kur jam takuar dhe kur kam folur me këta zotërinj.
Këllici: Për cilat shërbime janë paguar Gugallja dhe Zoto?
Kodra: Zoto nuk është aksioner i integrated energji BV…
Këllici: Kontratat a mund të na i vini në dispozicion
Kodra: Po
Këlliçi: Plani i shpenzimeve për inceneratorin e Tiranës. Për blerje biletash 804 milionë lekë të vjetra…
Kodra: Shifrën e saktë s’e kam parasysh, nuk di ti referohem asaj shume që përmend. Punonjësit kanë bërë udhëtime nëpër shtete të ndryshme.. për të takuar kontraktorë.
Këlliçi: Çfarë marrëdhënie keni patur me këto 2 kompani?
Kodra: Shoqëria ka marrëdhënie me shumë shoqëri të cilat s’iu mbaj mend përmendësh mund të jenë 30 ose 40
Këlliçi: Kjo shumë 804 milionë lekë është shpenzuar për të kontaktuar kontraktorë të ndryshëm janshtë Shqipërisë, e konfirmoni?
Kodra: Po janë bërë për të takuar kontraktorë… Kanë udhëtuar për takuar kontraktorë që do marrin pjesë për ndërtimin e impjanteve. Të gjitha pajisjet e impanteve të trajtimit të mbetjeve, prodhohen jashtë vendit.
Këlliçi: A jeni në dijeni që në 16 muajt e fundit bota ka qenë në një situatë pandemia globale dhe se të gjitha udhëtimet kanë qenë të kufizuara gjatë pandemisë?
Kodra: Unë nuk përcaktova afate udhëtimesh.
Këlliçi: I qëndroni faktit që jeni emëruar administratore në 15.03. 2019?
Kodra: Po
Këlliçi: Bllako është paguar me 150 milionë lekë të vjetra?
Kodra: S’mbaj mend të gjitha pagat e punonjësve të shoqërisë
