Të ashtuquajturit ‘heronj’ të tastierës me në fund revoltuan edhe aktorin e njohur Kivanc Tatlitug i cili që nga martesa e tij me stilisten e njohur Basak Dizer, me 19 shkurt 2016, ka ditur ti injoroje në heshtje gjithmonë komentet në lidhje me bashkëshorten tij.
Por si duket edhe për aktorin durimi ka një kufi. Një ditë më parë ylli i kinematografisë turke ka ndarë një foto në profilin e tij në Instagram ku shfaqet së bashku me bashkëshorten e tij, i cila ngjalli jo pak debat mes disa komentueseve fillimisht me njëri-tjetrin.
Por komentit të një fansje nuk i ka qëndruar pa i bërë një replikë edhe vetë aktori.
“Çfarë po bën me një grua kaq të shëmtuar?’ ishte ky komenti që bëri aktorin të shpërthejë.
‘Para së gjithash ju nuk keni të drejtë të komentoni mbi martesën time, dhe bashkëshorten time. Ju jeni njerëz që nuk dini të respektoni dhe vlerësoni as vetën tuaj pale jetën e të tjerëve. Unë kam preferuar të hesht deri më tani, por gjithçka ka një kufi. Nuk do lejoj më njerëz antipatike dhe të pavetëdijshëm si puna juaj të komentojnë mbi jetën time dhe gruan time. Deri më tani kam qenë i hapur për kritikat e ndryshme, por askujt nuk ia lejoj të flasë mbi familjen time dhe gruan time”, ka qenë kjo replika e aktorit të njohur i cili më pas ka fshirë të gjitha fotot me komentet e shëmtuara që ka marrë në Instagram.
