Lulzim Basha u shpreh sot se SPAK duhet të veprojë dhe arrestojë në zyrat e tyre, ministra apo kryebashkiakë të përfshirë në aferën e inceneratorëve, dhe të mos presë që ata të hiqen apo dorëhiqen.
Basha tha seemri i ministrit të tretë që do të përfundojë pas hekurave për shkak të përfshirjes në aferën e inceneratorëve, do të dalë shumë shpejt, ndërsa shtoi se “kush është ai, kjo varet se kë do vendosë të bëjë kurban Edi Rama”.
“Komisioni Hetimor do të vazhdojë punën ndryshe nga sa shpresonte Edi Rama. Komisioni do të vazhdojë punën. Puna e komisionit do të nxjerrë qartë emrat. Cilin do bëjë kurban Edi Rama nuk mund ta parashikoj. Ne do i shkojmë deri në fund. Dita që Rama të japë përgjegjësi para drejtësisë për këtë aferë do të vonojë por nuk do të mungojë”, tha Basha.
“Thirrja që i drejtoj SPAK është mos prisni që të japë dorëheqjen ministri i radhës por vijani prangat në ministri. Mos prisni të japë dorëheqjen kryebashkiaku i radhës. Vijani prangat në zyrë. Edhe socialistëve u ka ardhur në majë të hundës. Është zbuluar pisllëku”, u shpreh ai.
