Lulzim Basha deklaroi sot se Emiriana Sako, kandidatja e Edi Ramës për Bashkinë e Durrësit, tha se ka firmosur 10 mln euro dhuratë për inceneratorin e Tiranës.
“Janë dhënë 430 milionë euro dhe nuk ka inceneratorë. A mund ti kryejë një qeveri 17 procedura brenda një ditë të vetme pa miratimin e Ramës?
A mund të paguheshin 35 milionë euro për inceneratorin e Tiranës, ku sic e patë nuk ka përfunduar as 50% e të ashtquajturit projekt?
Kandidatja e PS për Durrësin ka firmosur për 10 milionë euro dhuratë për inceneratorin e Tiranës, 10 milionë euro të Durrësit, i mbytur nga plehrat.
A e mbani mend kush e urdhëroi pagesën nga bashkia e Durrësit tek të tjerat? Kush e hapi sëndukun? Sigurisht Edi Rama, dhe si e bëri skemën që në ato pak para të arkës së shtetit të paguante mafiozët.
I zhyti në smog, Fierin Durrësin Kavajën, dhe pastaj cila është zgjidhja? Paratë e bukës së gojës së shqiptarëve ose ju mbysim me tymin e djegies së plehrave. Krim ekonomik në kurriz të taksapaguesve që u çuan në 3 skena krimi. Është e gjitha fasadë pa asnjë funksion!
A e dini sa para janë paguar për inceneratorin e Fierit, 28 milionë euro”, tha Basha.
