Ish-kryeministri Sali Berisha përmes një statusi në profilin e tij në Facebook, i ka kushtuar vëmendje protestës së banorëve të zonës së ‘5 Majit’ dhe thotë se i mbështet plotësishitë. Berisha mbështet kauzën për të cilën protestojnë banorët e kësaj zone dhe thotë se ata janë në mbrojtje të banesave të tyre të ligjshme.
Kujtojmë se prej disa muajsh, banorët e zonës se 5 Majit, Laprakës, Paskuqanit dhe Kodrës së Priftit kanë protestuar kundër shembjes së banesave të tyre me vendim të qeverisë.
Në Zonën e 5 majit po prishen banesa me leje me qëllim rindërtimin e blloqeve të pallateve për banorët e dëmtuar nga tërmeti. Ndërsa zonat e tjera preken nga projekti i Unazës së Madhe. Banorët thonë se ky projekt është devijuar. Ndërkohë kërkojnë dëmshpërblim me vlerën reale të tregut. Ata kundërshtojnë bonusin e qirasë së dhënë nga qeveria. Nga ana tjetër kanë akuzuar kryebashkiakun Erion Veliaj si njeriun që ka qenë në krye të këtyre projekteve dhe nuk ka pranuar të bisedojë për gjetjen e një zgjidhje të përbashkët.
Sot protesta e fuqishme e banoreve te 5 Majit ne mbrojtje te ligjshme te shtepive te tyre! Mbeshtetje te plote! sb
