Arben Imami, ish-deputet dhe ish-ministër, do të drejtojë fushatën e koalicionit “Shtëpia e Lirisë” në Bashkinë e Shkodrës, atje ku garon në siglën e koalicionit Bardh Spahia.
Gjatë një vizitë në shtabin elektoral, Imami vlerësoi punën e bërë gjatë këtyre ditëve, ndërsa ish-kryeministri Berisha deklaroi se Shkodra preket nga Ballkani i Hapur.
Ish-ministrit i Mbrojtjes, një nga figurat më të shquara të së djathtës, i cili u la jashtë angazhimeve nga Lulzim Basha është rikthyer për të drejtuar grupin e punës në kryeqendrën e veriut.
Ndërsa ish-kryeministri Berisha ka dhënë udhëzimet se ku duhet të përqëndrohet fushata, ku një ndër to ishte dhe ndërgjegjësimi i fermerëve për pasojat që do vijnë nga projekti “Ballkani i Hapur”.
Ish kryeministri Berisha apeloi qe edhe të rinjtë të kenë një rol të kryesore në këtë fushatë. Imami ka qenë drejtues politik i PD në qarkun e Shkodrës vite më parë, por më pas u la në hije nga Lulzim Basha, ashtu si edhe shumë figura të tjera të demokratëve, deri në largimin e tyre nga Partia Demokratike.
