Anëtari i Komisionit të Rithemelimit, deputeti Belind Këlliçi, ka mobilizuar të rinjtë e FRPD të Lushnjes në mbështetje të kandidatit për kryebashkiak Elton Bano, i cili garon në siglën e koalicionit “Shtëpia e Lirisë”.
Në një postim në rrjetin social, Këlliçi e konsideron si maratonë ditën e sotme, pasi ishte i pranishëm në prezantimet e kandidatëve për kryebashkiakë në Rrogozhinë dhe Shkodër, ndërsa në mbrëmje ishte në takimin e Banos me të rinjtë e Forumit Rinor.
“Mbyllet kështu një ditë maratonë.
Rrogozhinë-Shkodër-Lushnjë
Ju përshëndes së bashku me të rinj e të reja të FRPD dhe kandidatin demokrat për bashkinë Lushnjë, Elton Bano!
Nesër na pret Dibra”, shkruan Këlliçi.
