Një aksident është shënuar mesditën e sotme në aksin rrugor Vlorë-Selenicë, në vendin e quajtur ‘Bishti Malit’.
“Rreth orës 11:25 , në aksin rrugor Vlorë – Selenicë, në vendin e quajtur ‘Bishti Malit’, automjeti tip ‘Benz’, me drejtuese shtetasen E. H., ka dalë nga rruga dhe për pasojë është dëmtuar drejtuesja e mjetit dhe pasagjeret, shtetaset L.Th., dhe K.Ç., të cilat ndodhen jashtë rrezikut për jetën”, njofton policia.
Grupi hetimor ndodhet në vendngjarje dhe po punon për sqarimin e rrethanave të aksidentit, shtuan të njëjtat burime.
