Një i ri është vënë në pranga në Durrës, i akuzuar për 58 vjedhje të ndodhura në qytetin bregdetar.
Në pranga është vënë Feruz Korra 20 vjeç, banues në Durrës, me precedentë penalë të mëparshëm, në fushën e veprave penale kundër pronës, bëjnë sot me dije burime zyrtare nga policia.
Specialistët për Hetimin e Krimeve kanë zbardhur dhe dokumentuar vjedhjet me thyerje të banesave dhe lokaleve të dyshuara të kryera nga Korra, përgjatë një muaji:
1. Më datë 27.12.2016, në lagjen Nr.1, Durrës ka vjedhur me thyerje banesën e shtetasit H.L. 54 vjeç, ku ka marrë oriendi shtëpiake.
2. Më datë 06.01.2017, në lagjen Nr.4 ka vjedhur me thyerje lokalin e shtetases R.S. 40 vjeçe, ku ka marrë një sasi parash.
3.Më datë 07.01.2017, në lagjen Nr.1 ka vjedhur lokalin e shtetasit E.B. 42 vjeç.
4.Më datë 10.01.2017, në lagjen Nr.10 ka vjedhur me thyerje banesën e shtetasit K.D. 33 vjeç, ku ka marrë disa vegla pune.
5.Më datë 23.01.2017, në lagjen Nr.11, mbrapa Pallatit të Kulturës ka vjedhur kabull elektrik dhe matës energjie elektrike.
Materialet për këtë rast i kaluan Prokurorisë së Rrethit Gjyqësor Durrës për veprime të mëtejshme për veprën penale “Vjedhja” parashikuar në nenin 134/2 të Kodit Penal.
