Një baba italian 55- vjeç bënte seks me shoqen e djalit, 15 vjeçaren shqiptare. Mësohet se vajza shkonte shpesh në banesën e shokut të saj për të bërë detyrat. Me këtë rast babai i djalit e shfrytëzonte të miturën të kryente marrëdhënie seksuale në këmbim të parave dhe dhuratave që i bënte.
Sipas mediave italiane, e mitura kishte pranuar të frekuentohej dhe të kishte marrëdhënie seksuale me italianin, por më pas ajo e ka denoncuar në polici, për përdhunim. Ngjarja ka ndodhur në vitin 2010 në Pesaro, kur vajza ishte ftuar në banesë të bënte detyrat me djalin e të denoncuarit, me të cilin ishin shokë klase.
Aty njihet me 55 vjeçarin dhe vendosën të avancojnë raportin, edhe kur djali nuk ishte i pranishëm në shtëpi. Vetëm pas disa ditësh njohje ata nisën të kishin raport seksual. Gjithçka ndodhte brenda banesës së burrit. Sipas hetuesve, ai i bënte vajzës dhurata, madje i jepte edhe para në dorë. Pas disa muajsh që frekuentoheshin, vajza iu drejtua policisë me një denoncim.
“Më ka përdhunuar”. Këtu nis edhe çështja hetimore në ngarkim të 55vjecarit, i cili akuzohet për dhunë seksuale. Çështja është tashmë në dorë të Gjykatës së Ankonës, ku kryesuesja e akuzës ka kërkuar dënimin me një vit burg për të. Sipas mbrojtjes së të pandehurit, prezantuar nga Mario Coli dhe Mauro Menguçi, mes 55vjecarit dhe minorenes ka pasur një marrëdhënie konsensuale, jo të detyruar.
