Një defekt në rrjetin elektrik të maternitetit të Durrësit ka nxjerrë të gjitha pajisjet jashtë funksionit, duke bërë që drejtoria të marrë masa të menjëhërshme për të transportuar drejt maternitetit të Tiranës, foshnjat e sapolindura dhe nënat e tyre.
Dr.Ramohitor, drejtor i maternitetit, deklaroi për mediat se zjarri ka rënë në katin e katërt dhe se pacientet e shtruara në këtë kat nuk kanë pësuar asgjë, por janë dërguar në Tiranë. Në katet e tjera të maternitetit, defekti është rregulluar ndërkohë dhe problemi vetëm në vatrën e tij kryesore.
