Koalicioni qeverisës PS –LSI ka arritur në tensione të marrëdhënies së tyre ku kulmon retorika e ashpër e Lëvizjes Socialiste për Integrim ndaj Partisë Socialiste.
Ditën e djeshme gazeta Panorama ka mësuar për një mbledhje urgjente të deputetëve të grupit parlamentar të LSI¬së dhe kryebashkiakëve të kësaj force, të cilët janë paralajmëruar se mund t’ju vendosnin drogë nëpër makina.
Ata janë këshilluar të tregohen të kujdesshëm dhe të mbajnë vigjilencën të lartë për të ruajtur veten. Sipas të njejtave burime, mbledhja është zhvilluar dy muaj më parë, për shkak se dyshohet se, si deputetët ashtu edhe kryebashkiakët janë vendosur në shënjestër të policisë. Mbledhja urgjente është thirrur nga kreu i grupit të LSI¬së Petrit Vasili, i cili i referohet informacioneve të ardhura nga shërbimet sekrete të huaja, ndërsa paralajmëron këta të fundit që të kenë kujdes nga policia, pasi mund të vendosnin drogë në makinat e tyre, me qëllim që të arrestohen më pas si trafikantë. Kjo është deklarata më e fortë dhe më e rëndë që kur PS¬LSI kanë formuar Qeverinë bashkë. Sot dhe dje ka qenë një ditë me tensione të larta me deklarata nga të dyja kampet. Ishte një letër e Kreut të Kuvendit Ilir Meta drejtuar Presidentit Bujar Nishani ajo që duket se i dha zjarr çdo gjëje.
Të enjten Meta i kërkoi Nishanit të mbledhë Këshillin e Sigurisë Kombëtare, për çështjen e mosarrestimit të Klement Balilit, i shpallur në kërkim nga Greqia dhe më pas në Shqipëri, për akuzat e trafikut të drogës. Sot kësaj letre iu përgjigj Ministri i Brendshëm, Saimir Tahiri i cili në një dalje publike e quajti të çuditshme këtë kërkesë. Përgjigjen për srsyen pse Meta e do mbledhjen e Këshillit të Sigurisë, Tahirit ia dha Petrit Vasili në drekë, kurse në darkë, ishte ministri Lefter Koka ai i cili në studion e “Ora Neës” hodhi akuza të forta për Tahirin dhe tha se koalicioni ishte në rrezik.
