Nevoja e një departamenti të veçantë brenda Prokurorisë së Kosovës, i cili do të luftonte krimin e organizuar e korrupsionin është shtruar në një tryezë të organizuar nga Grupi Parlamentar i Vetëvendosjes.
Aty njëzëri u kërkua luftë më e ashpër ndaj krimit e korrupsionit e kjo të bëhet me ligj.
Vetëvendosje tashmë e ka hartuar projektligjin për shqyrtimin e vërtetimin e pasurisë së pajustifikueshme, por për plotësimin e saj para procedimit ka kërkuar edhe ide e propozime nga shoqëria civile.
Vetë prokurori Besim Kelmendi shprehet i habitur se si kaq vjet pas, ligji mbeti në sirtar.
Kryetarja e komisionit për legjislacion, Albulena Haxhiu, ka shprehur shqetësimin e saj se si Qeveria ka hequr dorë nga ky projektligj, i cili parasheh strategjinë legjislative për vitin 2017.
Avokati i Popullit ka shprehur shqetësimin për mijëra lëndë të pazgjidhura që vazhdojnë të jenë në Gjykata.
