Presidenti i SHBA gjatë konferencës për media ka folur për raportet me Presidentin e Rusisë Vladimir Putin duke refuzuar të flasë rreth sanksioneve. Ai ka thënë se shpreson që me Putin të ketë marrëdhënie të fantastike, por nuk ka përjashtuar mundësinë që të ndodhë edhe e kundërta.
Ai nuk u përgjigj në mënyrë direkte nëse do t’i heq sanksionet Rusisë, megjithatë ai ka thënë se shpreson të ketë raporte të shkëlqyera me Presidentin rus.
“Nëse mund të kemi marrëdhënie të mira me Rusinë, Kinën apo shtetet tjera, unë jam për këtë”, ka thënë Presidenti Trump.
Unë nuk e njoh Putinin, por shpresoj që do të kemi raporte të mira. Kjo mund të ndodh, por edhe të mos ndodh”, ka përfunduar presidenti amerikan.
Putin dhe Trump pritet që nëser për herë të parë prej që presidenti amerikan u inaugurua të zhvillojnë bisedë telefonike.
