Një moment vërtet i tmerrshëm ai kur hajduti vjedh makinën ndërsa brenda saj, në sediljen e pasme ndodhet fëmija 10 muajsh.
Pamjet të kapura nga kamerat vëzhguese të lokaleve pranë vendit të ngjarjes në Londër tregojnë momentin kur hajduti del nga vetura e kaltër me synimin për ta vjedhur veturën e tipit ‘Volvo’, e cila kishte çelësat në vend si dhe foshnjën në sedijen e pasme.
Pasi hyn brenda, hajduti fillon të ecë me shpejtësi në korsinë e gabuar të rrugës duke u munduar të largohet sa më shpejtë. Mësohet se vetura ishte e një gruaje e cila kishte hyrë në një lokal për të blerë diçka.
Hajduti braktisi makinën pasi pa se brenda saj kishte dhe një fëmijë. Fatmirësisht foshnja është gjetur pa lëndime ndërsa policia ka shpallur në kërkim autorin dhe bashkëpunëtorin e tij.
