Stavro Nace u largua nga Shqipëria me shpresën për të gjetur një punë të mirë për të mbështetur prindërit e tij në vështirësi, por përfundoi në borxhe të mëdha pasi shpenzoi pothuajse 22,000 £ për të ikur ilegalisht në Britaninë e Madhe.
Ai u gjet brenda një shtëpie në Uellsin jugor, ku brenda saj kultivoheshin 182 bimë kanabisi. 27-vjeçari ka deklaruar se roli i tij ishte vetëm të ujiste bimët, megjithatë gjykata e ka dënuar me 12 muaj heqje lirie.
Bastisja në shtëpinë e shqiptarit ndodhi më 23 janar, pasi kishin dyshime se diçka po ndodhte brenda saj. Policia theksoi se e gjetën Nace në një dhomë gjumi, me një telefon celular që binte pranë tij. Kur u krye një kontroll, 182 bimë kanabisi u zbuluan në katër dhoma të tjera. Me vete në ato momente Nace kishte 354,10 £ dhe një kartë SIM të përdorur.
Rendimenti maksimal i fabrikës u vlerësua të ishte rreth 15 kg, që ka një vlerë prej rreth 150,000 £.
Punëtori i ndërtimit Nace, i cili nuk ka asnjë dënim të mëparshëm, rrëfeu në polici përfshirjen e tij dhe u deklarua menjëherë fajtor për prodhimin e kanabisit tek gjyqtarët një ditë pas arrestimit të tij.
