Tre shqiptarë u arrestuan nga policia italiane pasi akuzohen për një seri vjedhjesh.
Mediat italiane bëjnë me dije se të arrestuarit janë rreth 28 vjeç nga Shqipëria. Atyre u është gjetur një sasi e madhe mallrash, që dyshohet se janë vjedhur, duke përfshirë ora të shumta, mes tyre me vlerë, dhe celularë të ndryshëm.
Të arrestuarit kishin pasaporta shqiptare me identitete e tyre, por pas hetimit rezultoi se ato përdornin pseudonime të tjera. Nga verifikimet rezulton se të arrestuarit ishin me precedentë të mëparshme për vjedhje.
Ndërkohë në kuadër të këtij operacioni janë sekuestruar gjithashtu edhe materialet dhe veglat që ato përdornin për të prishur dyert dhe dritaret e banesave.
Ndërkohë vijon puna për zbardhjen e plotë të kësaj ngjarje dhe identitetit të tyre real.
