Lojërat Olimpike Dimërore “Pekin 2022” kanë rezultuar frytëdhënëse për Lara Behramin.
Bashkëshortja e futbollistit shqiptar, Valon Behrami, arriti të rrëmbejë medaljen e bronztë në garën e Sllallomit të madh, duke u pozicionuar në shkallën e fundit të podiumit.
Medalja e artë shkoi për suedezen, Sara Hector, që preu më shpejt finishin se rivalet e saj. Ndërkaq, me medalje të argjendtë u “shpërblye” italiania Federica Brignone.
