Pas një operacioni të befasishëm policor në Kretë dhe shërbimeve të tjera, tre nga pesë të dënuarit që arritën të arratiseshin nga ambientet e paraburgimit në Chania, Kretë janë arrestuar mbrëmjen e djeshme.
Sipas medieve greke tre nga katër shqiptarët janë arrestuar teksa tentonin të takonin në person.
Konkretisht bëhet fjalë për 43 vjeçarin shqiptar i dënuar me burgim të përjetshëm për vrasje dhe grabitje, një 32 vjeçar po shqiptar i dënuar për grabitje dhe një 29 vjeçar dhe ky shqiptar i dënuar për drogë.
Pas arrestimit të tre shqitparëve, policia greke sekuestroi sasi të vogla kanabis dhe heroinë të cilat kishin arritur t’i blinin, si dhe një thikë të cilën e dispononte njëri prej të arrestuarve.
Gjithashtu është gjetur makina e dytë, e cila ishte vjedhur nga fshati Sises i Rethymnos, e cila po hetohet.
Në kërkim janë dy të dënuarit e rrezikshëm, një 34-vjeçari pakistanez i cili është i dënuar me tre burgime të përjetshme për tre vrasje si dhe 34-vjeçari shqiptar Bledar Frrok Frroku, nga Shën Kolli, i Lezhës me profesioni – bojaxhi i dënuar për trafik droge për të cilët policia greke ka shtuar kontrollet në porte dhe aeroporte.
Pamjet nga porti i Heraklionit, ku Roja Bregdetare dhe Policia greke, kryejnë kontrolle të imta në të gjitha mjetet dhe veçanërisht ato të rënda për lokalizimin e tyre janë bërë dhe virale.
