Ish-banorja e “Big Brother Vip”, Big Mama pohon se shumë debate brenda shtëpisë bëheshin për famë, duke thënë se banorët ziheshin për gjërat më banale vetëm e vetëm për të tërhequr vëmendjen.
Në një intervistë në emisionin “Why Not”, Big Mama shprehet se presioni brenda shtëpisë ishte shumë i madh dhe se këtë e kuptoi që në momentin e parë.
“Brenda shtëpisë së Big Brother Vip ka shumë presion. E ndjeva që momentin e parë kur hyra. Ditën e tretë po i thosha vetes sime “çfarë kërkon ti këtu, erdhe të bëhesh akoma më budalle këtu?”. Flisja me veten. Unë jam, futur më vonë, dhe banorët deshën s’deshën shfaqën një energji negative aty. Më kaploi energjia negative aty. I shihja që ata ziheshin për budallallëqe.
Brenda shtëpisë kuptova se çfarë bëjnë njerëzit për famë, për të qenë në qendër të vëmendjes, duhet të zihesh për patate, për rrobat, për budallallëqe, vetëm e vetëm për të qenë aktual në çdo prime.”- tha Bigu.
