Për herë të parë në histori, Senegali është kampione e Kupës së Afrikës. Në finale e madhe të luajtur për trofeun e kontinentit, Senegali arriti të mposhtë ekipin që ka më shumë trofe në Kupën e Afrikës, plot 7 Egjiptin e Salah falë penalltive dhe 120 minutave betejë në fushë.
Finalja nisi shumë më mirë për Senegalin që pati mundësinë e artë në 7’ me Sadio Mane për të kaluar në avantazh por gjuajtja e sulmuesit u prit nga portieri egjiptian. Gjithsesi Senegali luan më mirë dhe kontrollon lojën por pa arritur te goli në 90 minuta lojë edhe pse rastet nuk munguan.
Përballja shkon në shtesë, diçka tashmë normale për Egjipti që të gjitha ndeshjet në fazën me eliminim direkt në këtë edicion i ka luajtur me shtesa. Edhe në 30 minuta lojë të shtesës portat mbetën të paprekura dhe për të caktuar fituesin ekipet iu drejtuan penalltive.
Këtu tregoi edhe njëherë se çfarë portieri është Eduard Mendy i cili priti dy penallti duke treguar se është ndër më të mirët në botë por ajo që ka rëndësi në fund është se Senegali për herë të pare fiton Kupën e Afrikës, plotësisht të merituar.
