Një 46-vjeçar shqiptar, i arrestuar në kufirin mes Francës dhe Luksemburgut u dënua të enjten e 3 shkurtit me 18 muaj burg për trafik droge. Vendimi u mor nga gjykata e Mulhouse. Për çështjen fillimisht ishin shënjestruar protagonistë të tjerë.
Sipas dosjes së 46-vjeçarit, në shtëpinë e tij ishin sekuestruar rreth 600 gr përzierje heroine dhe produkte prerëse që shërbenin për përgatitjen e lëndës narkotike.
Emri i shqiptarit nuk bëhet i ditur, por mediat franceze shkruajnë se mbi të rëndonin gjashtë vepra penale, që nisnin që nga viti 2017 dhe që kishin të bënin me blerjen, posedimi, transportin, importin dhe eksportin e lëndëve narkotike.
“Është sikur u mbars mali e polli një mi”, komenton Christine Schlumberger, kryetarja e trupit gjykues, duke iu referuar çështjes së 46-vjeçarit shqiptar.
Hetimi fillestar, i cili përfshinte oficerë të policisë gjermane dhe franceze përfshinte dhe persona të tjerë, të cilët në fund nuk u ndoqën penalisht.
