Gjatë një interviste për SYRI TV, ish-këshilltari i CDU-së gjermane Martin Henze, komentoi zhvillimet e fundit politike në Shqipëri, nga zgjedhjet e pjesshme të 6 marsit, tek protesta e 8 janarit në selinë blu, e deri tek roli i ambasadores Yuri Kim në këto ngjarje. Sipas Henzes, Lulzim Basha nuk e përfaqëson PD, dhe nuk mund ta uzurpojë atë. Ai tha se grupimi Basha-Tabaku po i vë zjarrin demokracisë, çka po dëmton imazhin e Shqipërisë në Evropë.
Zgjedhja e kandidatëve për kryebashkiakë përmes primareve, nga Komisooni i Rithemelimit, e kthen PD në rrënjët e saj. Kështu u shpreh ish-këshilltari ekonomik i CDU gjermane, Martin Henze, gjatë një interviste për SYRI TV. Ai theksoi se gjithçka u krye konform rregullave dhe ligjeve evropiane.
Henze komentoi, edhe dhunën që drejtuesit e selisë blu përdoren ndaj demokrateve në protestën e 8 janarit. Sipas tij, Basha nuk është i zgjedhur nga anëtarësia për të qenë në krye të PD, e për rrjedhojë nuk duhet të përfaqësojë dhe aq më pak të uzurpoje selinë.
Teksa dënoni praninë e forcave të armatosura, Henze tha se ngjarjet e 8 janarit, lënë një imazh të keq të Shqipërisë në Evropë, ndërsa shtoi se oportunistër, i vënë zjarrin demokracisë më keq se diktatura.
Ndërsa rolin e ambasadores Yuri Kim në zhvillimit politike të Shqipërisë, Henze e quan të papranueshëm dhe antiligjor, dhe thekson se nëse ambasadoret shqiptarë do e kishit bërë këtë në Amerikën, do na kishin çuar në shtëpi.
Sipas Henzes, Kim duhet të mbaje përgjegjësi për përfshirjen në punët e brendshme të Shqipërisë.
