Kreu i grupit parlamentar të Partisë Socialiste, Taulant Balla, ka komentuar aleancën që u krijua mes ish-kryeministrit Sali Berisha dhe LSI-së për zgjedhjet e pjesshme vendore.
Nga fshati Bubullimë ku zhvilloi një takim me strukturat e PS-së në këtë njësi administrative për zgjedhjet e pjesshme vendore, Balla e cilëson këtë aleancë si një thes anti-amerikan.
“Besoj të gjithë e shohim që në Shqipëri është krijuar një thes ku ka hyr në të dhe Saliu dhe për punë ditësh hyn dhe Iliri, një thes anti-amerikan i cili nuk i hyn në punë askujt.
Aleanca mes Ilirit dhe Saliut ka ekzistuar tashmë dhe nuk është një lajm i ri, egzistoi dhe në 25 prill por thjesht dhe vetëm kanë përzënë Lulin ca kohë, por kurrë mos harroni që dhe Luli është bashkë me ta, sepse në fakt Luli është bashkëpunëtori më i ngushtë i Saliut në të gjitha pisllëqet e Saliut që nga 2005 e mbrapa, që nga vjedhja më e madhe e ashtuquajtura vjedhja e “Rrugës së Kombit”, pastaj “Gërdeci”, pastaj “Vrasjet në Bulevard” të 4 vëllezërve tanë protestues, “Shitja e Detit” në marrveshjen me Greqinë ku Saliu ishte lartë dhe Luli firmoste poshtë dhe të gjitha,” deklaroi Taulant Balla.
