Ditën e sotme është nxjerrë nga ujërat e Liqenit të Fierzës një trup i dekompozuar.
Trupi i pajetë dyshohet se i përket Tofik Xhika-s, 43 vjeç, i cili u shpall i humbur teksa peshkonte në ujërat e lumit Drin pak javë më parë.
Trupi i pajetë është transportuar në morgun e qytetit të Kukësit, ku pritet të identifikohet zyrtarisht duke zgjidhur misterin.
Por kush është peshkatari Tefik Xhika dhe si humbi kontaktet me familjen?
Me 26 dhjetor 2021 humbi kontaktet shtetasi Tefik Xhika 43 vjeç nga fshati Fushë Alia i Dibrës, në ato moment dëshmitarët kanë pohuar se Xhika ka qenë duke peshkuar në Ujëjrat e Drinit të Zi.
Ndërkohë sot, pas 1 muaji e gjysmë është pikasur nga banorët e fshatit Bushat të Kukësit një kufomë që pluskonte në ujerat e liqenit të Fierzës që dyshohet të jetë kufoma e 43- vjeçarit.
Menjëherë, grupi hetimor së bashku me policinë e shtetit kanë shkuar e kanë nxjerr kufomën të cilët e kanë dërguar në morgun e Kukësit.
