Arjan Çani tha në emisionin e tij se kishte paralajmëruar katër vjet më parë ish-ministrin e Brendshëm Saimir Tahiri që të pregatitej se mund t’ia fuste Edi Rama. Por Agron Gjekmarkaj, nënkryetar i Partisë Demokratike dhe nënkryetar Parlamenti tha se Tahiri u tradhëtua. Sipas tij Edi Rama e ka tradhëtuar Tahirin pasi ka pasur presion tepër të madh. Gjekmarkaj shtoi se të gjithë e lanë Tahirin në këtë betejë dhe kjo vetëm për shkak të presionit. Ai tha se Tahiri ka dy mundësi, ose të flasë, ose të heshtë.
Më pas Gjekmarkaj tha se Edi Rama jo në pak herë i ka dërguar mesazhe të koduara Saimir Tahirit për të mos folur. Ndërkohë për masën e dënimit, Gjekmarkaj tha se janë pak.
