Aksident në aksin Ferizaj-Prishtinë në Kosovë. Drejtuesi i një kamioni ka vdekur në autostradën “Arbën Xhaferi”, pasi mjeti me të cilin po drejtonte devijoi nga rruga dhe u rrokullis në anë të saj.
Lajmin për vdekjen e shoferit e konfirmoi zyrtari për informim në Policinë e Kosovës, Bajram Krasniqi.
“Një aksident ka ndodhur në autostradën ‘Arbën Xhaferi’, kilometri i 14-të në aksin Ferizaj-Prishtinë. Në aksident është përfshirë vetëm një automjet (kamion) i cili ka përfunduar jashtë autostradës. Ekipi mjekësor ka konstatuar se drejtuesi i kamionit është pa shenja jete”, ka thënë Krasniqi.
Një grup hetimor kryen procedurat për të përcaktuar shkaqet e aksidentit.
