Një banesë në fshatin Velçë të Selenicës është përfshirë nga flakët këtë të Enjte. Nuk raportohet për persona të lënduar, por ka dëme materiale.
“Rreth orës 14:30 në fshatin Velçë, Selenicë, ka rënë zjarr dhe është djegur plotësisht banesa e shtetasit Nj.H., ku si pasojë ka vetëm dëme materiale. Paraprakisht dyshohet se zjarri ka rënë si pasojë e një shkëndije elektrike. Në vendngjarje ndodhen forcat zjarrfikëse të cilat po punojnë për fikjen e zjarrit”, njoftoi policia.
Vijon puna nga grupi hetimor për zbardhjen e rrethanave të ngjarjes dhe përcaktimin e shkakut të rënies së zjarrit, shtuan të njëjtat burime.
