Banorët e Paskuqanit, Laprakës dhe 5 Majit vijojnë protestën para godinës së Kuvendit të Shqipërisë. Një prej protestuesve i ka bërë thirrje deputetëve që kanë kërkuar votën e këtyre banorëve për të marrë mandatin.
“Ku është Elisa Spiropali që kërkonte votat për PS dhe thonte nuk ka projekt? Ku është Ulsi Manja që mblidhte votat në Laprakë? Ku është Alfred Rrushaj, Flamur Noka që dolën deputetë nga Partia Demokratike? Të vijë edhe Albana Vokshi, të takohet me ne, të na sqarojnë. Të vijë ministri i Rindërtimit, Arben Ahmetaj. Ku është Paulin Sterkaj, që kërkonte votat tona dhe sot thotë nuk di se çfarë ka ndodhur? Ne nuk jemi kriminela, por nëse do tëvijnë nesër të na kërkojnë votat, do i zemë me gurë”, tha një prej protestuesve.
Në vijim ai u shpreh se këto makinat e bukura janë të ministrave dhe deputetëve, të qeverisë, ndërsa askush nga ne nuk ka makina kaq të bukura.
“Ne po kërkojmë sot transparencë, askush nuk ka grabitur pronat, të gjithë po presim legalizimet. Kemi mbi 20 vjet në këto prona, i kemi ndërtuar ditën për diell, ndërsa sot na thonë do ikni. Ku do ikim? Le të bëjnë transparencën e projektit. Elisa Spiropali shkon pi kafe me oligarkun Salillari që merr gjysmat e tenderave të Qeverisë”, tha protestuesi.
Një tjetër protestues tha “këta parlamentarët tanë të futen tek bashkia, të bisedojnë për një lehtësim të na lidhin një kontratë të ligjshme. Jo një kontratë që e ka shkruar bashkia. ajo është kontratë e njëanshme dhe korruptive. Këto parlamentarë të na bëjnë ndërmjetësim. Bonusi i qirasë është qesharak, 180 mijë lekë, ndërsa të zona ime është një shtëpi 250 mijë lekë.
Pra,po presim, ishallah reagojnë! Nëse sot s’janë shumë njerëz, se me atë rrogë hanë bukë e s’mund ta lenë punën, ka mundësi të shkojmë dhe para Kryeministrisë e të bëjmë grevë urie, se s’kemi ç’të bëjmë më. Kjo është e fundit!”.
“Unë mendoj që po ta shohë edhe vet Edi Rama atë aktmarrëveshje që na kanë sjellë, edhe ai do të dalë në protestë me ne.
Mendoj se po t´a shohë kushdo nga ata (ndoshta s’kanë kohë se përtojnë) po ta shohin atë aktmarrëveshje, kam bindjen, përshtypjen se do të thotë “ne jemi me banorët.”
Tani le ta zgjidhin, sepse ai thotë do t’i kompensojë bashkia, kurse bashkia nuk do të kompensojë asgjë, por po na vjedh haptazi. Haptazi! Kjo është në shenjë protestë ndaj parlamentarëve, ndaj kryeministrit, ndaj kujtdo që ka vendimarrje. Se po bëjne edhe konslutime jo online, jo …nuk ka nevojë për onliline, se ëhstë e printuar ajo aktmarrëveshje, është një vjedhje e pastër”, u shpreh një tjetër protestues.
