Ish-ministri i Jashtëm, Besnik Mustafaj ka folur për zgjedhjet e pjesshme të 6 Marsit dhe mundësitë që kanë kandidatët për të marrë fitoren.
Sipas tij, Bardh Spahia, kandidati i koalicionit ‘Shtëpia e Lirisë’ do të garojë për bashkinë e Shkodrës dhe ka mundësi që të fitojë.
Mustafaj u shpreh se Komisioni i Rithemelimit ka mundësi që të fitojë edhe Bashkinë e Durrësit, pasi kandidati i nxjerrë nga primaret është një burrë me integritet të lartë.
“Unë besoj se Shkodrën do e marrë Komisioni i Rithemelimit. Bardh Spahia është një njeri me shumë integritet dhe një njeri në ngjitje brenda të djathtës shqiptare. Edhe në Durrës kanë shanse, pasi zoti Muka është një burrë me integritet të lart. Durrësi në zgjedhjet e fundit ka votuar majtas, por le të kemi parasysh faktorin ”Vangjush” që është provuar që i ka manipuluar zgjedhjet.
Qeveria ka një avantazh në zgjedhjet lokale, pasi njerëzit shohin si një mundësi bashkëpunimi bashkinë me qeverinë. Unë kam besim se njerëzit do të shkojnë përtej këtyre premisave”, u shpreh Mustafaj.
