Një 80-vjeçare nga Bosnja e ka ngritur biznesin e saj duke u pastruar njerëzve sytë me gjuhën e saj. Hava Celebiç, e njohur edhe si Nana Hava, jeton në fshat në Bosnje dhe pretendon se është i vetmi person në botë që të shëron me gjuhë.
E moshuara përdor gjuhën e saj për të hequr copëzat e plumbit, hekurit, qymyrit, tallashit apo xhamit nga sytë e njerëzve.
Përpara se të të lëpijë kokërdhokun e syrit, ajo e sterilizon gojën e saj me alkool.
“E kam mësuar këtë gjë nga një tjetër grua që quhej Hava. Për fat të keq, nuk ia kaloj dot këtë pasardhësve të mi, pasi atyre u vjen ndot që të fusin gjuhën e tyre në syrin e dikujt tjetër”.
“U kam thënë njerëzve që të ma presin gjuhën kur të vdes, kështu që të vazhdojnë të pastrojnë sytë edhe pas vdekjes sime”, shpjegon ajo.
Nana Hava thotë se ka kuruar mbi 5 mijë njerëz të kombësive të ndryshme, që nga amerikanë e deri rusë.
“Ata vijnë tek unë me sytë e enjtur dhe unë ua heq piklat”. “Nuk u marr para atyre që janë të papunë dhe nuk kanë të ardhura, por normalisht shërbimi im kushton 10 euro”, shton ajo.
