Çmimi i karburanteve në Shqipëri ka arritur në shifra rekord, çka është një lajm shumë i rëndë për ekonominë e shqiptarëve, pasi do të ndikojë direkt në rritjen e mëtejshme të të gjitha produkteve.
Gazetari Klodian Tomorri, e ka cilësuar me ironi si një lajm të mrië rritjen e çmimit të naftës, pasi sipas tij tani qeveria nuk do marrë më 30 lekë tvsh për litër, por 40 lekë.
Ndërkohë më tej në ironinë e tij Tomorri shkruan se të gjitha këto para që po mbledh shteti do ja kthejë prapë qytetarëve shqiptarë, por jo shumicës, por saj pakice që i merr sa herë rruhet nga xhepat shumica.
Postimi i Tomorrit:
Nje lajm i mire per popullin
Rritja e cmimit te naftes ne 200 leke per liter eshte nje lajm shume i mire per ekonomine. Ne cdo liter nafte qe shitet tani qeveria nuk mbledh me 30 leke tvsh sa mblidhte kur cmimi i naftes ishte 150 leke per liter, por mbledh 40 leke tvsh.
Se dyti, rritja e cmimit te naftes e shoqeruar me rritjen e cmimit te energjise elektrike per bizneset do te krijoje spirale inflacioni per te gjitha produktet dhe sherbimet ne treg. Serish qeveria do te mbledhe me shume te ardhura nga taksat. Dhe kur ka qeveria ka dhe populli.
Eh, po nuk mbaron ketu. Se kete vit shpiken dhe nje skeme te re, indeksim akcize. Fiks skeme fashistesh. Pasi te dhunon nje here rritja e cmimeve dhe ti nuk mban dot me, te vjen qeveria me akcize te indeksuar.
Tani, ku do i coje qeveria gjithe keto leke qe do hyjne ne arken publike? Po prape popullit do ia ktheje. Vetem se jo te gjithe popullit, por nje pjese te vogel, qe eshte dhe pjesa me e zgjedhur e popullit heroik shqiptar.
Per shembull, 2 milione euro i rruajten tek Unaza Lindore e Tiranes, para disa ditesh qe te cojne rrugen tek vilat e liqenit te Farkes. Popull eshte dhe ai qe i mori. Edhe ata qe kane bere vilat.
Ketej nga pallati me shigjeta deri lart, kur tenderuan ato 7 lotet rruajten mbi 10 milione euro. Aty moren dhe pronaret e mediave, edhe keta pjesa e zgjedhur e popullit.
Ne fund pastaj, vijne tenderat e shendetesise. Aty rruajne me bisturi. Pastaj tenderat e AKSHI-t, ku i vene cmimet vet, fondin vet dhe marrin sa te duan. Dhe qershia mbi torte. Tani jeni qe jeni, indeksoni dhe pak tarifen e pastrimit se do merziten ata te inceneratoreve. Keni 2 vjet qe nuk ia indeksoni tarifen.
Keshtu o popull, gezohi kur e paguan naften 200 leke se parate shkojne ne duar te sigurta dhe menaxhohen edhe me mire se sa do i menaxhonin vet familjet.
