Prej vitesh burgjet kanë qenë në qendër të akuzave për korrupsionin që kryhej, për lidhjet e të dënuarëve me shefat e policisë dhe gardianët, për futjen e sendeve të ndaluara si dhe për përfshirjen në skandale edhe më të mëdha.
Prej vitit 2021, SHKBB kishte nisur një hetim të brendshëm, hetim i cili u finalizua këtë mbrëmje me arrestime të bujshme.
Është kryer një operacion masiv kundër paligjshmërisë.
Deri tani janë arrestuar 14 persona, përfshi të dënuar dhe zyrtarë nga 27 urdhëra ndalimi të lëshuar nga prokurorët.
Operacioni përfshin edhe zyrtarë dhe efektivë ne uniformë të sistemit të burgjeve për futje sendesh të paligjshme dhe drogë te të dënuarit kryesisht në burgun e Peqinit pranë Elbasanit.
Të gjithe hetimin e ka filluar Shërbimi i Kontrollit të Brendshëm të Burgjeve që në vitin 2021 në disa Institucione të Ekzekutimit të Vendimeve Penale (burgje) dhe në disa qytete.
Akuzat janë ngritur për organizimin lojërave të fatit, futje droge dhe sende të paligjshme në burgje, shpërdorim detyre, korrupsion.
Të perfshire dhe të arrestuar janë të dënuar, edhe nga të quajturit VIP, familjarë të tyre, zyrtarë të lartë dhe efektive rendi dhe të policisë së burgjeve.
Veprimtaria hetimore e ndërmarrë nga Shërbimi i Kontrollit të Brendshëm të Sistemit të Burgjeve përfshiu përdorimin e mjeteve speciale si dhe informacione tërësore si dhe në rrugë operative.
Operacioni vazhdon pasi u krye në Elbasan, Vlorë dhe në Peqin pranë Elbasanit.
Nga një hetim i kryer prej disa muajsh në bashkëpunim edhe me Drejtorinë e Përgjithshme të Burgjeve, është provuar se në burgjet si Elbasan, Peqin dhe Korçë, të dënuarit me ndihmën e punonjësve të policisë së burgjeve, fusnin drogë, pije alkoolike, telefona dhe femra që nuk i përkasin rrethit familjar.
Mes personave të arrestuar, është dhe Gazmend Braka, alias “Gaxhai”.
Ndërsa ka dhe të dënuar të tjerë që janë arrestuar për futjen në qeli të sendeve të paligjshme.
Sipas informacioneve më të fundit, i arrestuari kryesor në këtë operacion ka qenë Shefi i Sektorit të sigurisë, Hysni Ndreu.
