Ka nisur në Gjykatën Kushtetuese seanca për shqyrtimin e çështjes për shkarkimin e Presidentit të Republikës, Ilir Meta.
Ky i fundit përfaqësohet në këtë seancë nga përfaqësuesi ligjor, Bledar Dervishaj.
Përpara gjyqtarëve, ai tha se Presidenti i Republikës ka paraqitur një kërkesë paraprake për vlerësimin që u duhet bërë gjyqtarëve, e cila vë në dyshim paanshmërinë e tyre.
“Gjykata Kushtetuese është e përbërë nga 7 anëtarë, 6 prej të cilëve janë zgjedhur nga institucione në konflikt interesi, siç janë Kuvendi dhe Presidenti,” tha ai.
Më tej, Dervishaj tha se trupa gjykuese e di që Meta është sulmuar rregullisht nga kryeministri Edi Rama që nga viti 2018.
Dervishaj vuri në dukje edhe se dy prej gjyqtarëve iu mbaron mandati pas disa javësh, ndërkohë që kryetarja aktuale është në ditën e 5 përtej mandatit.
