Shtatë persona janë arrestuar dhe një tjetër është shpallur në kërkim në kuadër të aksionit të koduar “Xhamat e errësuar”.
Ata akuzohen se në bashkëpunim me njëri-tjetrin, në mënyrë të kundërligjshme, u premtonin dhe u siguronin disa shtetasve nga Tirana dhe Durrësi, certifikata përshtatshmërie për xhamat e errësuar të automjeteve, kalimin e kontrollit teknik të mjeteve dhe pajisjen me dokumente mjekësore për mospërdorimin e rripit të sigurimit, kundrejt shpërblimit monetar nga 10.000 – 30.000 lekë të rinj.
Operacioni u zhvillua nga Seksioni për Hetimin e Krimit Ekonomik dhe Financiar në Drejtorinë e Policisë Tiranë, në bashkëpunim me Prokurorinë e rrethit.
Të arrestuarit dhe akuzat
Në pranga janë vënë mjeku Artan Murati, i akuzuar për falsifikim i dokumentit shëndetësor. Zef Ndoca, specialist tek Qendra e Kontrollit Teknik në DRSHTRR në Durrës. Qamil Domi për ushtrim të ndikimit të paligjshëm ndaj personave që ushtrojnë funksione publike. Erjon Rakipllari, administrator i një servisi makinash në Durrës, për falsifikim i dokumenteve kryer në bashkëpunim. Po për këtë vepër penale është arrestuar edhe punonjësi i tij në servis, Erges Zaka. Në pranga është vënë edhe një agjente e një kompanie sigurimesh, Yllka Graceni, për ushtrim të ndikimit të paligjshëm ndaj personave që ushtrojnë funksione publike. Po për këtë vepër i arrestuar është edhe Artan Frroku, administrator i një agjencie të targimit të automjeteve.
***
- Yllka Graceni (Pronja), pasi dyshohet se ka konsumuar veprën penale “Ushtrim i ndikimit të paligjshëm ndaj personave që ushtrojnë funksione publike” .
- Redi Allmeta, pasi dyshohet se ka konsumuar veprën penale “Ushtrim i ndikimit të paligjshëm ndaj personave që ushtrojnë funksione publike”.
- Erjon Rakipllari pasi dyshohet se ka konsumuar veprën penale “Falsifikim i dokumentave” i kryer në bashkëpunim.
- Erges Zaka pasi dyshohet se ka konsumuar veprën penale “Falsifikim i dokumentave” i kryer në bashkëpunim.
- Artan Frroku pasi dyshohet se ka konsumuar vepren penale “Ushtrim i ndikimit te paligjshem ndaj personave qe ushtrojne funksione publike”.
- Qamil Domi pasi dyshohet se ka konsumuar veprën penale “Ushtrim i ndikimit të paligjshëm ndaj personave që ushtrojnë funksione publike” dhe “Falsifikim i dokumenteve shëndetësore”.
- Artan Murati me detyre mjeku familjes tek qendra shëndetësore Kamzë, pasi dyshohet se ka konsumuar veprën penale “Fallsifikim i dokumentave shëndetësore nga personi që ka për detyre të lëshojë dokumentin”.
- Zef Ndoca me detyre specialist Drejtorisë Rajonale të Shërbimit të Transportit Rrugor Durrës, pasi dyshohet se ka konsumuar veprën penale “Shpërdorim i detyrës”.
- Gjithashtu po punohet për kapjen e shtetasit R.A., 22 vjeç, i shpallur në kërkim për veprën penale “Ushtrimi i ndikimit të paligjshëm ndaj personave që ushtrojnë funksione publike”, njoftoi policia.
