Deputeti Flamur Noka, anëtar i Komisionit të Rithemelimit, ka monitoruar procesin e primareve në Bashkinë e Vorës, nga ku u shpreh se sot çdo demokrat ndjen fuqinë dhe vlerën e tij në përfaqësimin e pushtetit”.
Noka tha se i gjithë ky proces është rezultat i Kuvendit të 11 dhjetorit, që sanksionoi në statutin e PD, primaret.
“Sot është një hap i madh ndër demokratët pasi anëtarësia vendos se kush do ta përfaqësojë. Kjo është ndryshe nga modeli i zarfave dhe emërimeve”, tha Noka.
Sipas tij, sot demokratët e Vorës vendosin vetë.
“Pjesëmarrja do të jete e shkëlqyer dhe të jeni të sigurtë se do ta kalojmë edhe numrin e votimeve të referendumit.
Ata që janë anëtarë real të PD po vijnë të votojnë.
Beteja është përballe regjimit, sigurisht se në këtë betejë përballë regjimit edhe stërkëmbëshat që hedh Shoqata Basha – Bardhi.
Kandidatë janë përfaqësues të denjë të qytetarisë së Vorës”, tha deputeti demokrat.
