Gjatë javës që sapo u mbyll janë regjistruar 9012 raste të reja me Covid-19, ndërsa zyrtarisht, sipas Ministrisë së Shëndetësisë nga e hëna deri të shtunën, kanë humbur jetën 32 persona.
Kjo javë ka pasur më pak raste të reja krahasuar me javën e mëparshme, çka duket se ka një ulje të lehtë të kurbës së infektimeve.
Në Shqipëri, sipas ekspertëve të shëndetësisë, po qarkullon në mbi 90 % varianti Omicron i Covid-19, ndërkohë që ka një qarkullim edhe të Delta.
Situata në spitale, sipas shifrav zyrtare, vijon të mbetet e qëndrueshme, ndërsa të shtruar ndodhen 145 pacientë, 7 prej të cilëve në kushte të rënduara.
Ekspertët paralajmërojnë se mund të vijojë sërisht ulja e rasteve të reja, referuar situatave të krijuara në Britani apo Danimarkë, ku rënia e rasteve të reja nisi rreth 4 javë pas qarkullimit të variantit Omicron.
