Kristi Qose, mesfushori i Kombëtares shqiptare ka dhuruar show në miqësoren që ekipi i tij MFK Karvina ka fituar 3-4 me Veres-Rivne. Korçari ka shënuar dopietë, ndërsa goli i dytë ishte për “kornizë”.
26 vjeçari gjeti rrjetën me panenka nga 30 metra, duke bërë që stafet e skuadrave të dhuronin duartrokitje për goditjen e saktë.
Sfida nisi keq për skuadrën e shqiptarit, që e mbyllën në disavantazh pjesën e parë. Me nisjen e së dytës, Qose do barazonte shifrat pas një goditje me kokë në të 47 minutë, për të shënuar golin e tretë në minutën e 57 me panenka.
Qose ka qenë pjesë e moshave të Shqipërisë, teksa ka luajtur edhe tre ndeshje me ekipin e parë. I dalë nga moshat e PAOK, mesfushori ka luajtur edhe me Apollon në Greqi dhe Ruzemborg në Sllovaki.
