3 persona janë vënë në pranga nga një operacion i policisë në Lezhë ku janë sekuestruar një sasi droge, armë e municione.
Sipas njoftimit të policisë personat janë arrestuar gjatë operacionit antidrogë i koduar “Muzgu”. Gjatë këtij aksioni janë sekuestruar 4 kg lëndë narkotike e dyshuar kanabis, 1 armë zjarri pistoletë TT, 2 krehëra me 14 fishekë dhe 4 celularë të ndryshëm.
Gjithashtu u arrestuan në flagrancë Frrok (Çup) Ndoj, 34 vjeç, banues në Mirditë, Nikolin Ndoj, 38 vjeç, banues në fshatin Mirditë dhe Aleksander Domgjoni, 52 vjeç, banues në Mirditë
Këta persona janë arrestuar në flagrancë në fshatin Zall-Xhuxh, në afërsi të rrugës së Kombit, ku iu sekuestrua në cilësinë e provës materiale një çantë sportive me ngjyrë të zezë dhe në brendësi të saj ndodhej një qese e mbushur me lëndë të dyshuar narkotike kanabis sativa me peshë 4 kg të cilën e kishin bërë gati për shitje si dhe 1 armë zjarri pistoletë TT me 2 krehëra me 14 fishekë.
Materialet procedurale iu referuan Prokurorisë së Rrethit Gjyqësor Lezhë për vepren penale ” Prodhim dhe shitje e lëndëve narkotike”, “Prodhim dhe mbajtje pa leje e armëve luftarake dhe municionit”.
